Bura Lagta Hai...!

                        #Bura Lagta Hai...

Acha lagta hai jab tumhe koi Aasman mei udna sikhata hai

Par bura lagta hai jab wahi koi tumhare Par kaat deta hai

Par tum nadaan udne mei kyu itne goom se jate ho!

Muh ke bal gir ke bhi kehte ho ke wo insaan tumhe acha lagta hai!

Keh kyu nahi dete, ke Han mujhe bura lagta hai...

Acha lagta hai jab tumhe koi kahe ke tum Ahem ho uske liye

Par bura lagta hai jab wahi koi agle hi pal tumhe bakwas keh ke jiye

Par tum baato baato mei yeh phir kyu bhool jate ho Aksar!

Ya bandh jate ho uski yaadoon mei jo sath milker the jiye

Acha lagta hai jab tumhe koi Acha kehta hai

Par bura lagta hai jab wahi koi tumhare peeth  piche burai karta hai

Yeh jankar bhi tum kyu khamosh rehto ho dost!

Bata diya karo ke tum robot nahi, Aur uski baato se tumhe fark padta hai...

Bata diya karo, ke Han mujhe bura lagta hai...

Acha lagta hai jab koi tumhara sukh-dukh mei sath deta hai

Par bura lagta hai jab wahi koi tumhe Akela kar deta hai

Chalo koi nai, akele rehkar shayed sambhal jao zindagi mei!

Waise, andehere mei kahan khud ka saya bhi sath deta hai...

Acha lagta hai jab koi tumhe Janta hai tumhe samajhta hai

Par bura lagta hai jab wahi koi Jaan kar bhi Anjaan ban jata hai

Bahari chot toh sabko dikh jati hai yaaro!

Par yeh dil ki chot ka haal akhir kon Puchta hai...

Toh bata diya karo...

Ke Han Mujhe Bura lagta hai...

Akhir Tu,

Apna sa jo lagta hai...

-NooR:)