Poetry on : Bachpan ke Din Chaar

#Bachpan Ke Din Chaar!

Woh bhi Kya din the na, Jab Hum Chote hua karte the Yaar

Mote-Patle, Golo-Molo jaise bhi the, Sab karte the hame Dulaar

Khel-kood mei lage rehte bas, waqt ka hota na khayal

Har Pal kuch naya seekhte, Karte bado se ut-patang Sawal

Jate the jab ban-dhan ke School, Maa ke yeh Laal

Apne dhun mei mast malang bus, karte ek se ek kamaal

Dosti-Yaari yahi toh seekhi, yahi toh hua toh woh pehla pyaar

Sahi karne pe shabashi Aur galat karne par yahi toh padti thi woh Asli wali Maar

Woh Girna, woh Uthna, woh seekhna woh seekhana

Woh Hasna, woh Rona, woh Daraana, Woh Dhamkana 

Na khona tum inn Paloon ko, Nahi atey hai yeh Baar Baar 

Yahi par toh Ubhar ke aata hai tumhare andar chupa Kalakaar

Kitne Bhole, Kitne Masoom, Kitne Pagal the na Hum

Bas man pasand cheeze milti, toh Bhula dete Saare Gum 

Khelone-Cartoon Khelte-Dekhte Najane kab Bachpan hogaya paar

Bachpan bhale hi choot gaya,

Tum Bachpana Rakhna Barkarar

Dil mei;

Tum Bachpana Rakhna Barkarar...

-NooR:)